କ୍ରିସମାସ ଟ୍ରି ଭଳି ସଜାଇ ହୋଇଛି କୁକୁଡା, ହସି ହସି ବେଦମ ହେଲେ ଲୋକେ

ଆଗକୁ ଆସୁଛି କ୍ରିସମାସ । ଏନେଇ ଏହାକୁ ପାଳନ କରୁଥିବା ଲୋକେ ଖୁବ ଆଡମ୍ବର ସହକାରେ ଏହି କ୍ରିସମାସ ପାଳନ କରିଥାନ୍ତି । ଏଥିପାଇଁ ସମସ୍ତେ ପ୍ରସ୍ତୁତିରେ ଲାଗିପଡିଛନ୍ତି ।କ୍ରିସମାସରେ ଲୋକେ କ୍ରିସମାସ ଟ୍ରି ସଜାଇଥାନ୍ତି । ଏହାକୁ ସୁନ୍ଦର କରିବା ପାଇଁ ଏହି ଗଛରେ ଆଲୋକ ଲଗାଯାଇଥାଏ । କିନ୍ତୁ ଆପଣ କେବେ କାହାକୁ କ୍ରିସମାସ ଟ୍ରି ଭଳି କୁକୁଡା ଉପରେ ଲାଇଟ ଲଗାଇଥିବା ଦେଖିଛନ୍ତି କି ?

ଏଭଳି ଏକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଠାରେ ଦେଖିବାକୁ ମିଳିଛି ଏକ କୁକୁଡାଟିକୁ କ୍ରିସମାସ ଟ୍ରି ଭଳି ସଜା ହୋଇଛି । ଆଉ ତା ଉପରେ ଲିଚୁ ଲାଇଟ ଲଗା ହୋଇଛି । ଏହା ଦେଖି ଲୋକେ ସୋସିଆଲ ମିଡିଆରେ ଦେଖି ହସି ହସି ଗଡି ଯାଇଛନ୍ତି । ଭାଇରାଲ ଭିଡିଓରେ ଦେଖିବାକୁ ମିଳୁଛି କେହି ଜଣେ କୁକୁଡା ଉପରେ ରଙ୍ଗିନ ଆଲୋକ ଲଗାଇ ଦେଇଛି ।

ଆଉ ଏହି ଲାଇଟ ଜଳୁଛି ଆଉ କିଛି ସମୟ ପରେ ଲିଭି ଯାଉଛି । ପୁଣି ଜଳିବାରେ ଲାଗୁଛି । ଏହା ସହିତ କୁକୁଡାଚି ଏକ ସିଢିରେ ଚଢୁଥିବା ଦେଖିବାକୁ ମିଳୁଛି । କୁକୁଡାଟି ଖୁବ ଆରାମରେ ବୁଲୁଥୁବା ଦେଖା ଯାଉଛି । ଲାଇଟ କାରଣରୁ କୁକୁଡାଟିକୁ ବିଶେଷ ଅସୁବିଧା ହେବାରେ ଦେଖିବାକୁ ମିଳୁନାହିଁ ।

ତେବେ ଏହି ଭିଡିଓକୁ ୨୮ ଲକ୍ଷ ଭିୟୁ ମିଳି ସାରିଛି । ବହୁତ ଜଣ ଏହି ଭିଡିଓକୁ ଦେଖିଲାପରେ ପସନ୍ଦ କରିବା ସହ କମେଣ୍ଟ ଦେଇଛନ୍ତି । ଜଣେ କହିଛନ୍ତି କୁକୁଡାଟି ଡାଇମଣ୍ଡ ଭଳି ଚମକି ଉଠୁଛି । ତ ଆଉ କିଏ କହିଛନ୍ତି କ୍ରିସମାସ ଡିନର ପାଇଁ ଏହାକୁ ଏଭଳି ସଜା ହୋଇଛି । ଆଉ ଜଣେ କହିଛନ୍ତି କୁକୁଡାଟି କୌଣସି ଏକ ସାମ୍ରାଜ୍ୟର ରାଜା ଭଳି ଅନୁମାନ କରାଯାଉଛି ।