ଜେଲ୍ ଭିତରେ ଥିବା କନ୍ନଡ ସୁପରଷ୍ଟାର ଦର୍ଶନଙ୍କୁ ହଇରାଣ କରୁଛି ଆତ୍ମା !
ଜେଲ୍ ଭିତରେ ଥିବା କନ୍ନଡ ସୁପରଷ୍ଟାର ଦର୍ଶନଙ୍କୁ ହଇରାଣ କରୁଛି ଆତ୍ମା !
କନ୍ନଡ ସୁପରଷ୍ଟାର ଦର୍ଶନ । ତାଙ୍କୁ କିଏ ବା ନଜାଣେ । ଅଭିନେତା ନିଜ ଅଭିନୟରେ କନ୍ନଡ ଫିଲ୍ମ ଇଣ୍ଡଷ୍ଟ୍ରୀରେ ରାଜ୍ କରୁଥିଲେ । ହେଲେ ବର୍ତ୍ତମାନ ତାଙ୍କ ସ୍ଥିତି ଅତି ଶୋଚନୀୟ । ଆପଣ ମାନେ ତ ଜାଣିଛନ୍ତି ସୁପରଷ୍ଟାର ଦର୍ଶନ ଯିଏକି ଏକ ହତ୍ୟା ମାମଲାରେ ଗତ କିଛି ମାସ ହେବ ଜେଲରେ ସଜା କାଟୁଛନ୍ତି । ତେବେ ସୁପରଷ୍ଟାର ଦର୍ଶନଙ୍କୁ ନେଇ ଆସିଛି ଏକ ବଡ ଖବର । ଯାହା ସମସ୍ତଙ୍କୁ ଚକିତ କରିଛି । ଖବରଟି ହେଲା କି, ଜେଲ୍ ଭିତରେ ଥିବା ଅଭିନେତାଙ୍କୁ କୁଆଡେ ଆତ୍ମା ହଇରାଣ କରୁଛି । ସେ ତାଙ୍କର ଯେଉଁ ପ୍ରଶଂସକ ଯାହାଙ୍କ ନାମ ରେଣୁକସ୍ୱାମୀଙ୍କୁ ହତ୍ୟା କରିଥିଲେ, ତାଙ୍କର ଆତ୍ମା ତାଙ୍କୁ ଅସୁବିଧାରେ ପକାଉଛି । ବେଲାରୀ ଜେଲର ପକ୍ଷରୁ ଏହି ସୂଚନା ଦିଆଯାଇଛି । ଏଥିସହ ଆସନ୍ତା ଶୁକ୍ରବାର ଦର୍ଶନଙ୍କ ଜାମିନ ଆବେଦନ ଶୁଣାଣି ହେବ ବୋଲି ସୂଚନା ମିଳିଛି । ଦର୍ଶନଙ୍କ ଓକିଲ ଏହା କହିଛନ୍ତି ଯେ, ଯଦି ତାଙ୍କର ଜେଲ୍ ରେ ରହିବା ଅବଧୀକୁ ବୃଦ୍ଧି କରାଯାଏ, ତେବେ ତାଙ୍କୁ ବେଙ୍ଗାଲୁରୁ ଜେଲକୁ ପଠାଇବାକୁ ଅଧିକାରୀଙ୍କୁ ଅନୁରୋଧ କରିବେ ।
ମିଳିଥିବା ସୂଚନା ଅନୁସାରେ, ସୁପରଷ୍ଟାର ଦର୍ଶନ ଜେଲ କର୍ତ୍ତୃପକ୍ଷଙ୍କୁ କହିଛନ୍ତି ଯେ ତାଙ୍କର ଜଣେ ଘନିଷ୍ଠ ପ୍ରଶଂସକଙ୍କୁ ହତ୍ୟା କରିବାକୁ ନେଇ ସେ ଭୟବିତ ଅଛନ୍ତି । ସେ କହିଛନ୍ତି ଯେ ହତ୍ୟା କରାଯାଇଥିବା ରେଣୁକାସ୍ୱାମୀଙ୍କ ଆତ୍ମା ତାଙ୍କ ସ୍ୱପ୍ନରେ ଆସି ତାଙ୍କୁ ହଇରାଣରେ ପକାଉଛି । ଦର୍ଶନ ଅଧିକାରୀମାନଙ୍କୁ ଏହା ମଧ୍ୟ କହିଛନ୍ତି ଯେ, ସେ ଏହି ସମସ୍ୟା ଦ୍ୱାରା ବହୁତ ଅସୁବିଧାରେ ପଡ଼ୁଛନ୍ତି । ସେ ତାଙ୍କ କୋଠରୀରେ ଏକୁଟିଆ ରହୁଥିବାରୁ ତାଙ୍କୁ ଭୟ ଲାଗୁଛି । ସେହି କାରଣରୁ ସେ ସଠିକ୍ ଭାବେ ଶୋଇ ପାରୁନାହାଁନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।
ଖାଲି ଏତିକି ନୁହେଁ, ସକାଳୁ ଦର୍ଶନଙ୍କ ଚିତ୍କାର ଶୁଣିବାକୁ ମିଳିଥିବା ବି କୁହାଯାଇଛି । ଦର୍ଶନଙ୍କ ପତ୍ନୀ ବିଜୟଲକ୍ଷ୍ମୀ ମଧ୍ୟ ମନ୍ଦିରରେ ତାଙ୍କ ପାଇଁ ପୂଜା କରିଥିଲେ ଏବଂ ଏହି ଘଟଣା ପରେ ତାଙ୍କ ପାଇଁ ଏକ ବିଶେଷ ପ୍ରାର୍ଥନା ସଭା ମଧ୍ୟ କରିଥିଲେ । ତେବେ ସୂଚନା ଥାଉକି, ପୂର୍ବରୁ ଦର୍ଶନଙ୍କୁ ତାଙ୍କ ସାଙ୍ଗମାନଙ୍କ ସହିତ ବେଙ୍ଗାଲୁରୁ ସେଣ୍ଟ୍ରାଲ ଜେଲରେ ରଖାଯାଇଥିଲା, କିନ୍ତୁ ତାଙ୍କୁ ଦିଆଯାଇଥିବା ଭିଆଇପି ସୁବିଧାର ଚିତ୍ର ଲିକ୍ ହେବା ପରେ ତାଙ୍କୁ ଅଲଗା ଜେଲକୁ ସ୍ଥାନାନ୍ତର କରାଯାଇଥିଲା । ବର୍ତ୍ତମାନ ସେ ବେଲାରୀ ଜେଲରେ ସଜା କାଟୁଛନ୍ତି ।
ଏପଟେ ବେଲାରୀ ଜେଲ କର୍ତ୍ତୃପକ୍ଷ ଦର୍ଶନଙ୍କୁ ଏକ ଛୋଟ କୋଠରୀରେ ଅଲଗା ରଖିଛନ୍ତି । ସେଠାରେ ସେ କାହାକୁ ଭେଟ କରି ପାରିବେ ନାହିଁ । ଅଧିକାରୀମାନେ ତାଙ୍କୁ ସୁବିଧା ଯୋଗାଇଦେବା ପାଇଁ କରାଯାଇଥିବା ଅନୁରୋଧକୁ ମଧ୍ୟ ପ୍ରତ୍ୟାଖ୍ୟାନ କରିଦେଇଛନ୍ତି । ଏହାସହ କୋର୍ଟଙ୍କ ବିନା ପରାମର୍ଶରେ କୌଣସି ସୁବିଧା ପ୍ରଦାନ କରାଯିବ ନାହିଁ ବୋଲି କୁହାଯାଇଛି । ନିକଟରେ ଦର୍ଶନଙ୍କ ପୁଅ ମାଆ ବିଜୟଲକ୍ଷ୍ମୀଙ୍କ ସହିତ ବାପାଙ୍କୁ ଜେଲରେ ଭେଟିବାକୁ ଆସିଥିଲେ । ସେପଟେ ଶୁକ୍ରବାର ସୁପରଷ୍ଟାର ଦର୍ଶନଙ୍କର ଜାମିନ ଆବେଦନର ଶୁଣାଣି ହେବ । ଯାହା ଉପରେ ସମସ୍ତଙ୍କ ନଜର ରହିଛି ।
