ଗୋପାଳକୃଷ୍ଣ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ ବିଶ୍ୱ ରେଡକ୍ରସ ଦିବସ ପାଳିତ
ଗୋପାଳକୃଷ୍ଣ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟରେ ବିଶ୍ୱ ରେଡକ୍ରସ ଦିବସ କଲେଜର ଅଧ୍ୟକ୍ଷ ଡ଼ ସିଏଚ ସୁଧାକରଙ୍କ ପୌରହିତ୍ୟରେ ପାଳିତ ହୋଇଯାଇଛି ।ଏହି ରେଡ଼କ୍ରସ ମାଧ୍ୟମରେ ସ୍ବେଚ୍ଛାସେବୀମାନଙ୍କୁ ମାନବିକତାକୁ ବଜାୟ ରଖିବା ପାଇଁ ଅନୁଷ୍ଠାନର ଯୁବରେଡ଼କ୍ରସର ପରାମର୍ଶଦାତା ତଥା ରାସାୟନିକବିତ ଡ଼.ଜଗଦୀଶ ଚନ୍ଦ୍ର ପାଳ ଅବଗତ କରାଇଥିଲେ ।ତତସଙ୍ଗେ ରେଡ଼କ୍ରସର ନୈତିକ ମୂଲ୍ୟବୋଧ ଦ୍ୱାରା ଅନୁପ୍ରାଣିତ ହେବା ପାଇଁ ଅନୁଷ୍ଠାନର ଇଁରାଜୀ ବିଭାଗର ଅଧ୍ୟାପକ ଡ଼.ଗଜେନ୍ଦ୍ର କୁମାର ସେଠୀ ଛାତ୍ରଛାତ୍ରୀମାନଙ୍କୁ ଉଦବୋଧନ ଦେଇଥିଲେ।ଏହି ଅବସରରେ ଆୟୋଜିତ ପ୍ରତିଯୋଗିତାରେ କୃତି ସ୍ବେଚ୍ଛାସେବୀମାନଙ୍କୁ ଅନୁଷ୍ଠାନ ଦ୍ୱାରା ପୁରସ୍କୃତ କରାଯାଇଥିଲା ।
କାର୍ଯ୍ୟକ୍ରମକୁ ସଂଚାଳନ କରିବା କ୍ଷେତ୍ରରେ ଅନୁଷ୍ଠାନର କ୍ରୀଡା ଶିକ୍ଷକ ବିରଞ୍ଚି ନାରାୟଣ ବେହେରା,ଲଳିତେନ୍ଦୁ ସାହୁ, ବିଦ୍ୟାଧର ବେହେରା,ପ୍ରହ୍ଲାଦ ସାହୁ,ସୁଧୀର କୁମାର ବେହେରା,ଅଭିମନ୍ୟୁ ସାହୁ,ପ୍ରତାପ ଚନ୍ଦ୍ର ବେହେରା ସହଯୋଗ କରିଥିଲେ ।କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ ସ୍ବେଚ୍ଛାସେବୀମାନେ ଯୋଗଦେଇଥିଲେ। ପରିଶେଷରେ ଜୀବ ବିଜ୍ଞାନର ଡେମୋନଷ୍ଟାଟର ଶୁଭ୍ରାଂଶୁ ଶେଖର ସାହୁ ଧନ୍ୟବାଦ ଅର୍ପଣ କରିଥିଲେ ।
