ବରିଷ୍ଠ ସମାଜସେବୀ ରାମଚନ୍ଦ୍ର ମଲ୍ଲିକଙ୍କ ଦ୍ୱାଦଶାହ ଉପଲକ୍ଷେ ଶୋକ ସଭା

ବରିଷ୍ଠ ସମାଜସେବୀ ତଥା  ଦକ୍ଷିଣାଞ୍ଚଳ ଗ୍ରାମ ମତ୍ସ୍ୟଜୀବୀ ସଙ୍ଘର ସଭାପତି ରାମଚନ୍ଦ୍ର ମଲ୍ଲିକଙ୍କ ଦ୍ୱାଦଶାହ ଉପଲକ୍ଷେ ଖୋଳାମୁହଁ ଗ୍ରାମରେ ଶୋକ ସଭା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଶ୍ରୀ ମଲ୍ଲିକ ଜଣେ ସମାଜସେବୀ, ଆଦର୍ଶ ଓ ତ୍ୟାଗୀ ,ସମାଜ ପାଇଁ ଦିଗଦର୍ଶକ ,ସରଳ ଓ ହୃଦୟବାନ ବ୍ୟକ୍ତିତ୍ବଙ୍କୁ ହରାଇ ଆଜି ମତ୍ସ୍ୟଜୀବୀ ଗ୍ରାମବାସୀ ଶୋକ ବ୍ୟକ୍ତି କରିଛନ୍ତି ।ସଭା ପ୍ରାରମ୍ଭରେ ଶ୍ରୀ ମଲ୍ଲିକଙ୍କ ଫଟୋଚିତ୍ରରେ କନିଷ୍ଠ  ଭାଇ  ପୁଷ୍ପମାଲ୍ୟ ଦ୍ବୀପ ଧୂପ ଦେଇ ଶ୍ରଦ୍ଧାଞ୍ଜଳି ଦେଇଥିଲେ ।ପରେ ଶ୍ରୀ ମଲ୍ଲିକଙ୍କ ଆତ୍ମାର ସଦଗତି କାମନା କରି  ୫ ମିନିଟ ନିରବ ପ୍ରାର୍ଥନା କରାଯାଇଥିଲା ।

ଏହି ଶୋକ ସଭାରେ ମତ୍ସ୍ୟଜୀବୀ ଜାତି ସଂଘର ସଭାପତି ଶ୍ରୀ ବ୍ରଜବନ୍ଧୁ ବେହେରା,ସମ୍ପାଦକ ରାଧା ମୋହନ ପୃଷ୍ଟି ,ପୁରତନ ସରପଞ୍ଚ ଗୋବିନ୍ଦ ପ୍ରଧାନ,ମତ୍ସ୍ୟଜୀବୀ ଜାତିର ସେବକ ସଙ୍ଘର ସଭାପତି ହରେକୃଷ୍ଣ ମଲ୍ଲିକ,ସେବକ ସଂଘର ଉପଦେଷ୍ଟା ସୁଜିତ କୁମାର ବେହେରା,ବରିଷ୍ଠ ସଭ୍ୟ ଚିନ୍ତାମଣି ବେହେରା,ଦକ୍ଷିଣାଞ୍ଚଳ ପୂର୍ବତନ ସଭାପତି ମୋଚିରାମ ବେହେରା,ସମାଜସେବୀ ଭୀମସେନ ବେହେରା,ଫିସବୋର୍ଡ ବରିଷ୍ଠ ସଦସ୍ୟ ସେନାପତି ବେହେରା,ନରସିଂହ ବେହେରା,ନଟବର ବେହେରା,ଗୋପୀନାଥ ବେହେରା,ବାଇଶିପଲ୍ଲୀର ସଭାପତି ନରେନ୍ଦ୍ର ବେହେରା ଉପଦେଷ୍ଟା ହଳଧର ବେହେରା ସମେତ ହଜାରରୁ ଉର୍ଦ୍ଧ୍ବ ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କ ଜନ ସମାଗମରେ ଶୋକ ସନ୍ତପ୍ତ ପରିବାର ବର୍ଗଙ୍କୁ ସମବେଦନା  ଦିଆ ଯାଇଥିଲା  ।ଏହି କାର୍ଯ୍ୟକ୍ରମକୁ ସଭାପତି ବ୍ରଜବନ୍ଧୁ ବେହେରା ସଂଯୋଜନା କରିଥିଲେ।