ଗ୍ରୀନ ପିସ ଭିଲେଜ ଫାଉଣ୍ଡେସନ ପକ୍ଷରୁ ପକ୍ଷୀମାନଙ୍କୁ ଜଳ ଯୋଗାଣ ସେବା

ଗଞ୍ଜାମ ବ୍ଲକ ଅନ୍ତର୍ଗତ ମଧୁରଚୁଆ ଗ୍ରାମ ଚିଲିକା କୂଳରେ ଗ୍ରୀନ ପିସ ଭିଲେଜ ଫାଉଣ୍ଡେସନ ଆନୁକୂଲ୍ୟରେ ପକ୍ଷୀମାନଙ୍କୁ ଜଳ  ଯୋଗାଣ ସେବା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି ।ଗ୍ରୀଷ୍ମ ଆରମ୍ଭରୁ ଚାରିଆଡେ ଜଳ ସଙ୍କଟ ।ଗଞ୍ଜାମ ବ୍ଲକର କୌଣସି ପୋଖରୀ ଗାଡ଼ିଆ ନଦୀ ନାଳର ଜଳ ନାହିଁ। ପକ୍ଷୀମାନଙ୍କ ସୁରକ୍ଷାକୁ ଦୃଷ୍ଟିରେ ରଖି ଆଜି ଏହି ଜଳ ସେବା କାର୍ଯ୍ୟକ୍ରମ କରାଯାଇଛି ।

ମଧୁରଚୁଆ ଗ୍ରାମର ଚିଲିକା କୂଳର ବିଭିନ୍ନ ବୃକ୍ଷମାନଙ୍କରେ ଜଳ ପୂର୍ଣ କଳସ ରସି ସାହାର୍ଯ୍ୟରେ ବନ୍ଧା ହୋଇ ଝୁଲେଇଛନ୍ତି ଗ୍ରୀନ ପିସ ଭିଲେଜ ଫାଉଣ୍ଡେସନର ସ୍ବେଚ୍ଛାସେବୀମାନେ ।ଏହି କାର୍ଯ୍ୟକ୍ରମରେ କୋ- ଫାଉଣ୍ଡର ପ୍ରଶାନ୍ତ କୁମାର ଦାସ ,ସଭାପତି ପ୍ରକାଶ ଚନ୍ଦ୍ର ନାହାକ,ସମ୍ପାଦକ ଦେବେନ୍ଦ୍ର ନାହାକ,ବରିଷ୍ଠ ସମାଜସେବୀ ଭୀମସେନ ବେହେରା,ପାଣି ବିଭାଗର ନିରୀକ୍ଷକ କେଶବ ଚନ୍ଦ୍ର ସାହୁ,ବିଷ୍ଣୁ ପ୍ରସାଦ ନାୟକ ପପୁନ ନାୟକ,ଗଣେଶ ସାହୁ,ସନ୍ତୋଷ ନାୟକ ଯୋଗ ଦେଇଥିଲେ ।

ବିପଦର ବନ୍ଧୁ ଓଡ଼ିଶାର କାର୍ଯ୍ୟକର୍ତ୍ତାମାନେ ଏହି କାର୍ଯ୍ୟକ୍ରମରେ ସମ୍ପୂର୍ଣ ରୂପେ ସହଯୋଗ କରିଥିଲେ ।