୨୦୧୬ରେ ମିଳିଥିଲା ଖେଳ ରତ୍ନ ,ଦୀପା କର୍ମାକର ଜିମ୍ନାଷ୍ଟରୁ ନେଲେ ସନ୍ନ୍ୟାସ
୩୧ ବର୍ଷୀୟ ଦୀପା ଗୋଲ୍ଡନେ ଗାର୍ଲ ଭାବେ ବେଶ ପରିଚିତ । ତ୍ରିପୁରା ବାସିନ୍ଦା ଦୀପା ଭାରତୀୟ ଜିମ୍ନାଷ୍ଟିକ୍ ଜଗତରେ ଜଣେ ଲୋକପ୍ରିୟ ଷ୍ଟାର । ସେ ୨୦୧୬ ରିଓ ଅଲିମ୍ପିକ୍ସରେ ଉଲ୍ଲେଖନୀୟ ପ୍ରର୍ଦଶନ କରି ଚତୁର୍ଥ ସ୍ଥାନରେ ରହିଥିଲେ । ତାଙ୍କର ଏହି ସଫଳତା ଅନେକ ନୂଆ ଯୁବପିଢ଼ିଙ୍କ ପାଇଁ ପ୍ରେରଣାର ଉତ୍ସ ପାଲଟିଥିଲା । କ୍ରୀଡ଼ା ଜଗତରୁ ଅବସର ନେଇ ଦୀପ ସୋସିଆଲ ମିଡ଼ିଆରେ ଘୋଷଣା କରିଛନ୍ତି । ପୋଷ୍ଟ କରି ଭାବବିହ୍ୱଳ ହୋଇଛନ୍ତି ଦୀପା । ସେ କହିଛନ୍ତି, ମୁଁ ବହୁତ ଭାବିବା ପରେ ନିଷ୍ପତ୍ତି ନେଇଛି । ଜିମ୍ନାଷ୍ଟିକରୁ ସନ୍ନ୍ୟାସ ନେଉଛି । ଏହି ନିଷ୍ପତ୍ତି ସହଜ ନୁହେଁ, କିନ୍ତୁ ଏବେ ହିଁ ଠିକ୍ ସମୟ । ଜିମ୍ନାଷ୍ଟିକ ମୋ ଜୀବନର ସବୁଠୁ ବଡ ଅଂଶ ।
ଭାରତୀୟ କ୍ରୀଡ଼ା ଜଗତରୁ ନୈରାଶ୍ୟଜନକ ଖବର । ଷ୍ଟାର ଜିମ୍ନାଷ୍ଟ ଦୀପା କର୍ମାକର ସନ୍ନ୍ୟାସ ଘୋଷଣା କରିଛନ୍ତି । ଦୀପା ୨୦୧୬ ରିଓ ଅଲିମ୍ପିକ୍ସରେ ଦମଦାର ପ୍ରଦର୍ଶନ କରିଥିଲେ । କିନ୍ତୁ ଚତୁର୍ଥ ସ୍ଥାନରେ ରହି ଅଳ୍ପକେ ପଦରୁ ବଞ୍ଚିତ ହୋଇଥିଲେ ।
