ହତ୍ୟା ମାମଲାରେ ୫ ଅଭିଯୁକ୍ତଙ୍କୁ ଆଜୀବନ ଜେଲ

ବ୍ରହ୍ମପୁର : ବହୁ ଚର୍ଚ୍ଚିତ ଧୀର ସାମଲ ହତ୍ୟା ମାମଲାରେ ୫ ଅଭିଯୁକ୍ତଙ୍କୁ ଆଜୀବନ ଜେଲ l ୫ ଅଭିଯୁକ୍ତମାନେ ହେଲେ ,କାଳିଆ ସେଠି ,ପିଙ୍କୁ ପାତ୍ର ସନିଆ ରାଉତ ,ସଞ୍ଜୟ ପ୍ରଧାନ ଓ କୃଷ୍ଣ ପାତ୍ର । ୫ଜଣଙ୍କୁ ଆଜୀବନ ଜେଲ ଦଣ୍ଡାଦେଶ ଶୁଣାଇଛନ୍ତି ଗଞ୍ଜାମ ଜିଲ୍ଲା ଓ ଦୌରା ଜଜ୍ । ୨୦୧୦ ଜୁଲାଇ ୨୨ ତାରିଖ ସକାଳେ ଧୀର ସାମଲ ଶ୍ରୀରାମ ନଗର ଛକରେ ତାଙ୍କର ଦୁଇ ସାଙ୍ଗ ସନ୍ତୋଷ ତ୍ରିପାଠୀ ଓ ରାଜୀବ ବେହେରାଙ୍କ ସହ କଥା ହେଉଥିବା ବେଳେ ବୋମା ମାଡ଼ ହୋଇଥିଲା । ସେ ଦୌଡ଼ି ପଳାଇବାରୁ ଗୋଡ଼ାଇ ଗୋଡ଼ାଇ ହାଣି ହତ୍ୟା କରିଥିଲେ ଅଭିଯୁକ୍ତମାନେ । ଏହି ଘଟଣାରେ ପୋଲିସ ସାତଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ।